Avropa çempionatında A qrupunun iki görüşünü Bakıda keçirmiş Uels millisi Azərbaycanı tərk edib.
Sportinfo.az xəbər verir ki, bu barədə Böyük Britaniya səfiri Ceyms Şarp tvitterdə yazıb.
O bildirib ki, Robert Peycin baş məşqçi olduğu komanda qrup mərhələsində İtaliyaya qarşı son oyun üçün Romaya gedib.
Səfir AVRO-2020-də Uelsə göstərdiyi gözəl qonaqpərvərliyə görə, Azərbaycana təşəkkür edib.
Uels seçməsi Bakı Olimpiya Stadionundakı ilk matçında İsveçrə ilə heç-heçə edib - 1:1. Komanda ikinci görüşdə Türkiyə millisinə 2:0 hesabı ilə qalib gəlib.