Premyer Liqada 34-cü tur sabah keçiriləcək “Sabah” – “Şamaxı” oyunu ilə start götürəcək.
Sportinfo.az xəbər verir ki, komandalar Azərbaycan çempionatlarında 22-ci dəfə üz-üzə gələcəklər.
Hazırda “Şamaxı” qələbə sayında öndədir – 8:6. Bölgə təmsilçisi həmçinin rəqibindən daha çox qol vurub (25:21).
Doğrudur, “Şamaxı” son iki matçda qalib gəlib. Lakin şamaxılılar 5 ildir “Sabah”dan səfərdə 3 xal ala bilmirlər.
“Sabah”ın meydanında baş tutan son 6 qarşılaşmanın 3-də ev sahibləri qalib gəlib, 3-də isə bərabərlik qeydə alınıb.
“Şamaxı” axırıncı dəfə səfərdə qələbə qazananda, “Keşlə” adını daşıyırdı və paytaxtda məskunlaşırdı. Bu, 2020-ci ilin oktyabrında reallaşıb.
Bu gün "Bank Respublika Arena”da keçiriləcək “Sabah” – “Şamaxı” oyunu saat 19:00-da başlayacaq.
