"Həqiqətən də çempionatımızdakı ən güclü rəqiblərdən birini məğlub etdik”.
Bu sözləri Sportinfo.az-a açıqlamasında “Səbail”İn qapıçısı Hüseynəli Quliyev deyib.
“Sabah”ı ¼ final mərhələsindən uzaqlaşdıran Bayıl təmsilçisi ölkə kubokunun yarımfinalında “Qəbələ” ilə qarşılaşacaq.
“Dənizçilər” əyalət təmsilçini da yolunun “üzərindən təmizləsə”, finalda “Neftçi” – “Turan Tovuz” cütünün qalibi ilə üz-üzə gələcək.
Quliyev kuboku qazanmaq perespektivləri haqda bunları söyləyib:
“Hər bir klub kimi, biz də kuboku qazanmaq üçün əlimizdən gələni edəcəyik. Yarımfinalda “Qəbələ”ni udmaq üçün bütün bacarığımızı qoyacağıq.
Şans yaransa, niyə avrokuboklarda iştirak etməyək?
Premyer Liqa da bizim üçün vacibdir. Kubokdan öncə qarşıdakı liqa oyunlarına köklənməliyik".