"Səbail"in yeni baş məşqçisi Şahin Diniyev futbolçuları özündən narazı salıb.
Dekabrda görəvə gələn çalışdırıcının Antalyadakı təlim-məşq toplanışında keçdiyi məşqlər «dənizçilər»in ürəyincə olmayıb.
Oyunçulardan bir neçəsinin verdiyi məlumata görə, Diniyev köhnə məşq üsulları tətbiq edir və fiziki cəhətdən ağır «yüklənmə» verir.
Beş ildən sonra aktiv məşqçilik həyatına qayıdan sükançının müasir futbolun yeniliklərindən xəbərdar olmaması, sovetdən qalmış məşq proqramlarına üstünlük verməsi komanda üzvlərinin ondan şikayətinin başında gəlir.
Problem artıq klub rəsmilərinə də məlumdur. Sadəcə, Diniyevin işinə qarışmaq istəmədiklərindən, ona bu barədə heç nə demirlər. Hər halda narazı futbolçulara belə söyləyiblər.
SPORTİNFO.AZ