«Səbail»in rəhbərliyində dəyişiklik baş verə bilər.
Sportinfo.az bu haqda klubun özündən məlumat əldə edib.
Redaksiyamıza daxil olan informasiyaya görə, «Xəzər Dəniz Gəmiçiliyi» (ASCO) idman direktoru Fərəc Əliyevin fəaliyyətindən kəskin narazıdır.
ASCO-nun İdarə Heyətinin sədri Rauf Vəliyev Premyer Liqanın ikinci turu çərçivəsində keçirilən «Turan Tovuz»la matçdan (0:1) sonra stadionda F.Əliyev və digər funksionerləri bir araya gətirib.
O, idman direktorunu düzgün informasiya verməməkdə qınayıb. R.Vəliyev bildirib ki, komandanın oyunu onu qane etmir, yeni məşqçi korpusunun işi və transferlər barədə müsbət rəydə deyil.
