"Səbail"in müdafiəçisi Cabir Əmirli Sportinfo.az-a açıqlama verib.
O, sabah Premyer Liqanın 23-cü turu çərçivəsində qarşılaşacaqları "Zirə" ilə matç haqqında danışıb:
"Hazırlığımız həmişəki qaydada gedib. Rəqib ilk üçlüyü hədəfləyən komandadır. Görüşün hər iki komanda üçün çətin keçəcəyini təxmin etmək olar".
Bayıl təmsilçisi 4 aylıq fasilədən sonra nəhayət, ötən tur "Qəbələ" üzərində qələbə (3-0) qazanmağı bacardı.
Əmirli həmin nəticənin də sabahkı görüşə müsbət təsir edəcəyini düşünür:
"Ötən tur qazandığımız qələbə bizə ruh yüksəkliyi verib. Komandada ab-hava yüksəkdir. Sabahkı görüşdə də maksimum nəticə qazanmağa çalışacağıq".
23 yaşlı müdafiəçi rəqibin ötən tur "Sabah"a məğlub olmasının ciddi önəm daşımadığını sözlərinə əlavə edib:
"Rəqiblərin əvvəlki nəticələrinin önəm yoxdur. Hər görüşə final kimi baxmalıyıq. Sona 6 tur qalıb. Maksimum nəticə göstərib, mövqeyimizi yaxşılaşdırmalıyıq".
XANOĞLAN