"Yeni mövsüm maksimum nəticə üçün çalışacağıq".
Bu sözləri Sportinfo.az-a açıqlamasında "Səbail"in yarımmüdafiəçisi Elşən Abdullayev deyib.
"Qarabağ" və "Neftçi"nin sabiq üzvü karyerası ilə bağlı etdiyi seçimə belə aydınlıq gətirib: "Səbail"də yaxşı kollektiv var. Həqiqətən, bu belədir. Baş məşqçi Aftandil müəllimi uzun müddətdir tanıyıram. Onun rəhbərliyi altında oynamaq xoş olacaq. Burada daha çox oynamaq şansı qazanıb, formamı bərpa edəcəyimə inanıram".
Elşən Abdullayevin son klubu "Sabah" olub. O, zədə səbəbindən arxada qalan mövsümdə meydana çıxa bilməyib.
_2.jpg)
