“Sabah” heyətini yeni futbolçu ilə gücləndirib.
Klubun rəsmi saytı Sportinfo,az-ın iyulun 3-də yaydığı xəbəri rəsmən açıqlayıb (https://www.sportinfo.az/idman_xeberleri/sabah/87379.html).
Bakı təmsilçisi Aleksey İsayevi transfer edib. “Neftçi“ və “Qarabağ“ın da danışıqlar apardığı 24 yaşlı yarımmüdafiəçi ilə 3 illik müqavilə bağlanıb.
İsayev karyerası ərzində Rusiyanın “Yenisey” (2014-17, 2017/18) və “Zenit-2” (2016/17) klublarında çıxış edib. Azərbaycan millisinə də dəvət almış futbolçunun son komandası “Sumqayıt” (2018-2020) olub.
Növbəti mövsüm üçün transfer çalışmalarını davam etdirən “Sabah”, daha öncə Amin Seydiyev, İdris İnqilablı, Samir Məhərrəmli, Nicat Mehbalıyev və Slavik Alxasovu heyətinə cəlb edib.
