"Sabah" Çempionlar Liqasının birinci təsnifat mərhələsinin cavab qarşılaşması çərçivəsində bu gün Uelsdə TNS ilə üz-üzə gələcək
Sportinfo.az xəbər verir ki, "Sabah"ın baş məşqçisi Valdas Dambrauskas oyun haqda fikirlərini bildirib:
"Bu oyunu böyük həyəcanla gözləyirik. İlk oyundan fərqli olaraq bu matçda da yüksək konsentrasiya ilə oynamalıyıq.
Hamıya məlumdur ki, ev sahibi komandalar öz meydanında adətən yaxşı oynayırlar. Buna görə də arxayınlaşa bilmərik.
Əksinə, yenə də əlimizdən gələni etməli, meydandan qələbə ilə ayrılmağa çalışmalıyıq. Sevindirici haldır ki, komandamız səfərə heç bir zədə problemi olmadan gəlib.
Komandada əhval-ruhiyyə yüksəkdir, hər kəs özünü yaxşı hiss edir. Sadəcə, Stiv Solvet düşərgəmizdə deyil. Meydanda ən yaxşı oyunumuzu göstərməliyik".
