Çempionlar Liqasına uğurlu start verərək ilk matçda TNS-i 2:0 hesabı ilə məğlub edən “Sabah” Uels səfərinə hazırlaşır.
"Bayquşlar” Britaniyaya oyundan iki gün əvvəl, iyulun 12-də yola düşəcək.
Çarter reysli təyyarə nümayəndə heyətini Bakıdan Liverpula aparacaq. Liverpuldan oyunun keçiriləcəyi Osvestri şəhərinə olan təxminən 100 km-lik məsafə avtobusla qət ediləcək. Klub və komanda üzvləri Osvestridə məskunlaşacaq.
“Sabah”ın oyunöncəsi son məşqçi Bakı vaxtı ilə saat 22:00-da baş tutacaq. Bundan yarım saat əvvəl isə baş məşqçi Valdas Dambrauskas mətbuat konfransında jurnalistlərin suallarını cavablandıracaq.
İyulun 14-də “Park Hall” stadionunda gerçəkləşəcək duel Bakı vaxtı ilə saat 21:30-da başlayacaq.
Azərbaycan çempionu mərhələni adlayacağı təqdirdə 2-ci mərhələdə KuPS (Finlandiya) – “Vardar” (Şimali Makedoniya) cütünün qalibi ilə üz-üzə gələcək.
Komandalar arasında baş tutan ilk görüşdə KuPS səfərdə 2:0 hesabı ilə qələbə qazanıb.
HƏBİB / SPORTİNFO.AZ
