“Sabah” komandada icarə əsasında çıxış edən Patrik Orfe Mbinanın transfer hüquqlarına yiyələnib.
Sportinfo.az xəbər verir ki, bu haqda klubun mətbuat xidməti məlumat yayıb.
25 yaşlı hücumçunun icarəsi ilə bağlı Sloveniya “Maribor”u ilə bağlanmış müqavilədə nəzərdə tutulan transfer bəndi qüvvəyə minib. Qabonlu futbolçu ilə yeni, 3 illik müqavilə imzalanıb.
Mbina bu ilin fevral ayından “Sabah”ın uğurları üçün çalışır. O, komandanın heyətində 11 oyun keçirib, 3 qol vurub və 1 məhsuldar ötürmə edib.
