“Qarabağ” bu gün Azərbaycan Kubokunun yarımfinal mərhələsi çərçivəsində Tofiq Bəhramov adına Respublika Stadionunda keçiriləcək “Sabah”la matç öncəsi xanım azarkeşləri üçün maraqlı addım atıb.
Sportinfo.az xəbər verir ki, Ağdam təmsilçisi tribunadan komandaya dəstək olmaq istəyən qadınlar üçün stadiona girişi ödənişsiz edib.
Belə ki, xanım azarkeşlər heç bir bilet almadan qarşılaşmanı canlı izləyə biləcəklər.
“Sabah” isə rəqibinin bu jestinə rəsmi “Instagram” hesabı vasitəsilə maraqlı reaksiya verib.
Hazırda “Sabah” 62 xalla Premyer Liqada liderliyini qoruyub saxlayır. “Qarabağ” isə rəqibindən 10 xal geri qalaraq 52 xalla turnir cədvəlinin ikinci pilləsində qərarlaşıb.
