“Sabah”ın yarımmüdafiəçisi Umarali Raxmonaliyevin də formasını geyindiyi Özbəkistanın U-23 millisi Asiya kubokunun seçmə mərhələsində Şri-Lanka ilə üz-üzə gəlib.
Sportinfo.az xəbər verir ki, oyunda Özbəkistan yığması 4:0 hesablı qələbə qazanıb.
Umarali Raxmonaliyev də bu görüşün iştirakçısı olub.
Komandasının qollarından birini də Raxmonaliyev vurub. 22 yaşlı yarımmüdafiəçi 38-ci dəqiqədə fərqlənib.
Umarali Raxmonaliyev bu ilin yanvar ayından "Sabah"ın formasını geyinir.
