Azərbaycan millisinin qapıçısı Yusif İmanov karyerasını Kosovo çempionatında davam etdirəcək.
“Sabah”dan gedən kiper "Malişeva" ilə anlaşıb.
22 yaşlı “əlcək sahibi” ilə imzalanan müqaviləni detalları açıqlanmasa da, onun uzunmüddətli layihənin hissəsi olduğu bildirilib.
İmanov iyulda “bayquşlar”la müqaviləsinə birtərəfli qaydada xitam versə də, yeni klubunda çıxış etmək üçün “Sabah”ın razılığı olmalıdır.
Çünki onun sözləşməni təktərəfli formada pozması hər hansı məsul qurum tərəfindən tanınmadığından, əsas söz sahibi yenə Masazır təmsilçisidir.
Belə olduğu halda, Yusifin "Malişeva"a keçidinin rəsmiləşməsi üçün məhz “Sabah”ın razılığı əsasdır.
Əldə etdiyimiz məlumata görə, “Sabah” bu məsələdə hüquqi prosedurlara əsasən qərar vermək fikrindədir.
Futbolçunun müqaviləyə bunun üçün əsas olacaq bir səbəb olmadan xitam verdiyindən, klub qarşı tərəfin keçidlə bağlı müraciətinə müsbət cavab vermək fikrində deyil.
SPORTİNFO.AZ
.jpg)
.jpg)
