"Qəbələ" və "Qarabağ" bu meydanda uduzduğu üçün..." - Murad Musayev

8 May 20:40 Sabah 595
"Qəbələ" və "Qarabağ" bu meydanda uduzduğu üçün..." - Murad Musayev

"Burada oynamaq heç bir komanda üçün asan deyil. "Qəbələ" və "Qarabağ" da bu meydanda uduzub. Ona görə də 90 dəqiqə ərzində konsentrasiyanı saxlamaq lazım idi. Hücumlarımız yaxşı alınırdı. Amma sonluqlar istənilən kimi deyildi. Daha sakit oynaya bilərdik. Əsas odur ki, inamlı qələbə qazandıq".

Sportinfo.az xəbər verir ki, bunu "Sabah"ın baş məqşçisi Murad Musayev səfərdə "Səbail"ə 2:0 hesabı ilə qalib gəldikləri Premyer Liqanın XXVI tur matçından sonra mətbuat konfransında deyib.

Rusiyalı mütəxəssis rəqibə hörmətlə yanaşdıqlarını bildirib: "Bilirdik ki, rəqibi ciddiyə almasaq, bizə baha başa gələcək. Daha çox qol vura bilərdik, fürsətləri boşa verdik. Amma bu, arxayınlıqla bağlı deyildi".

39 yaşlı baş məşqçi Elvin Camalovun çıxışından razı olduğunu söyləyib: "O, komandamızın lideridir. Müdafiədən hücuma keçərkən çox böyük iş görür. Düşünürəm ki, ən yaxşı mövsümlərindən birini keçirir".

O, Ukrayna klublarından icarəyə götürülən Lukas Rangel və Aleksey Kaşukun "Sabah"da qalması üçün danışıqlara başladıqlarını vurğulayıb: "Hər ikisi komandanı, Azərbaycanı sevir. Nümayəndələri ilə danışırıq. Amma bu, kifayət qədər çətin prosesdir. Çünki Kaşuk Donetsk "Şaxtyor"una məxsusdur. Amma başqa komandada çıxış edir. Hələlik danışıq gedir, konkret bir şey yoxdur".

Musayev gənc oyunçu limitinin ləğv olunması qərarına da toxunub: "Təbii ki, çətin olacaq. Çünki heyəti buna uyğun komplektləşdirmişdik. Amma çempionatın başa çatmasına 3 həftə qalmış dedilər ki, limit ləğv olundur. Ümumiyyətlə, mən limitə qarşıyam. Meydanda ən yaxşılar oynamalıdır. Bu, bütün futbolçuların səviyyəsini artıracaq. Biz, yalnız pasporta yox, oyunçunun ustalığına baxmalıyıq. Bununla belə, AFFA-nın qərarına hörmət etmək lazımdır. Növbəti mövsümdə komandanın necə olması seleksiya işlərindən və təlim-məşq toplanışından asılı olacaq".

Digər Xəbərlər
Xəbər Lenti