Lənkəran son 2 ildəki kimi, Region Liqasının növbəti mövsümündə də təmsil olunacaq.
Bu barədə AFFA-dan Sportinfo.az-a məlumat verilib.
Redaksiyamıza bildirilib ki, federasiya ilə yerli İcra Hakimiyyəti (İH) arasında bununla bağlı aparılan danışıqlar müsbət nəticələnib.
Lənkəranın rəsmi dairələri AFFA-nın Region Liqasında çıxış etməklə bağlı təklifini dəstəkləyib. Və böyük ehtimalla, həmin klub «Alyans» olacaq.
Bir il öncə sözügedən yarışmada mübarizə aparmış komanda həm federasiyadan, həm də İH-dən maddi-texniki dəstək alacaq.
«Xəzər Lənkəran»ın prezidenti Mais Mənsimov şəxsi mülkiyyətinə daxil etdiyi eyniadlı stadionu müəyyən məbləğ qarşılığında «Alyans»ın ixtiyarına verib. Birillik icarə müqaviləsi razılaşdırılıb.
