Qəbələdə təlim-məşq toplanışını davam etdirən “Qarabağ” bu gün növbəti yoxlama oyununu keçirib.
Sportinfo.az xəbər verir ki, Ağdam təmsilçisi “Neftçi” ilə qarşılaşıb.
Qəbələ şəhər stadionunda keçirilən matçda Qurban Qurbanovun baş məşqçisi olduğu komanda minimal hesabla qalib gəlib- 1:0. 53-cü dəqiqədə "Qarabağ"dan Filip Ozobiç penaltini dəqiq yerinə yetirə bilməyib.
Ölkəmizi Çempionlar Liqasında təmsil edəcək “Qarabağ” bundan əvvəl keçirdiyi yoxlama oyunlarında “Keşlə”yə 3:1 hesabı ilə qalib gəlib, “Sabah”a isə 1:2 hesabı ilə məğlub olub. Avroliqa təmsilçimiz “Neftçi” isə “Sumqayıt”ı 3:0 hesabı ilə udub.
19:30 "Qarabağ" – "Neftçi" 1:0
Qol: Bədavi Hüseynov, 50
Qəbələ şəhər stadionu