“Qarabağ”ın hücumçusu Maqaye Qeye 4 oyunu Bakıda baş tutacaq AÇ-2020 haqda danışıb.
Sportinfo.az xəbər verir ki, forvard ölkəmizdə irqçiliyə yer olmadığını vurğulayaraq bütün futbolsevərləri qitə birinciliyinin həyəcanına daha yaxın olmaq üçün Azərbaycana səsləyib:
“Hər kəsə salam! Mən “Qarabağ”ın futbolçusu Maqaye Qeyeyəm. Hər kəsi Azərbaycana dəvət edirəm. Azərbaycan həqiqətən gözəl ölkədi. Burda irqçiliyə yer yoxdu.
Ümumiyyətlə, bu haqda danişmağa dəyməz. Bildiyiniz kimi, 2020-ci il Avropa çempionatının oyunlarından burda – Bakıda da keçiriləcək. Bura həqiqətən əladı, çox fərqlidi. Bir daha hamınızı bu gözəl ölkəyə, Avropa 2020-nin oyunlarına baxmağa dəvət edirəm”.
