Dani Kintana "Qarabağ"dan ayrıla bilər. Sportinfo.az xəbər verir ki, ispan yarımmüdafiəçi Çindən sərfəli təklif alıb.
32 yaşlı futbolçu "CBC Sport"a açıqlamasında məlumatı təsdiqləyib. Ancaq o, məsələnin hələ rəsmiləşmədiyini bildirib:
"Hələ ki danışıqlar davam edir. Məsələ rəsmiləşməyib. Sadəcə komandanın əsas heyət üzvü olmaq istəyirəm. Əlbəttə, neçə ildir “Qarabağ”dayam. Bura çox bağlanmışam. Son sözü demək indi çox çətindir".
Kintana 2015-ci ildən "Qarabağ"da çıxış edir.