“Qarabağ” – ÇSKA (Sofiya) qarşılaşmasının gedişində təmsilçimiz ciddi itki ilə üzləşdi.
Meydanda ən yaxşılardan olan Bruno Lanqa 56-cı dəqiqədə meydanı tərk etmək məcburiyyətində qaldı.
Rəqibin hücumçusu Leandro Qodoyla mübarizədən sonra yerdə qalan 28 yaşlı müdafiəçi ayağından zədə aldığına görə yerini Elvin Cəfərquliyevə vermək məcburiyyətində qaldı.
Oyundan sonra həkim müayinəsindən keçən Brunonun sağlıq durumunda ciddi nöqsan aşkarlanmayıb.
Sadəcə həmin an ağrıları şiddətli olduğu üçün oyunu davam etdirə bilməyib.
Həftəiçi məşqlərdə iştirak edən mozambikli futbolçu səfər qarşılaşmasında “Qarabağ”a kömək edə biləcək. Təbii ki, baş məşqçi Qurban Qurbanov buna ehtiyac duysa.
İyulun 23-də Bakıda keçirilən ilk görüşdə qapılara qol vurulmamışdı.
İyulun 30-da Sofiyada baş tutacaq cavab qarşılaşması Bakı vaxtı ilə saat 22:00-da start götürəcək.
HƏBİB / SPORTİNFO.AZ
