Qurban Qurbanov: "Qarşıdakı vaxtlarda düşündüyümüz transferləri həll edəcəyik"

21 İyul 18:35 Qarabağ 164
Qurban Qurbanov: "Qarşıdakı vaxtlarda düşündüyümüz transferləri həll edəcəyik"

"İlk oyunlar bir az çətin keçir. Buna baxmayaraq hazırlığımız pis alınmayıb.

Müəyyən problemlər var. Çalışacaq ki, bunlar meydanda özünü göstərməsin. Sabah ən yaxşısını etməyə çalışacağıq".

Sportinfo.az xəbər verir ki, bu fikirləri "Qarabağ"ın baş məşqçisi Qurban Qurbanov Bakıda İsrail "Aşdod"u ilə keçirəcəkləri Konfrans Liqasının II təsnifat mərhələsinin ilk oyunundan əvvəl mətbuat konfransında deyib.

49 yaşlı mütəxəssis transferlərdə bəzi problemlərin olduğunu bildirib: "Müsahibələrimdə bildirdim ki, ən çox transferlərə zaman ayırırıq.

Amma tam istədiklərimizi əldə etməmişik. Müzakirələr və axtarışlar davam edir. Asan deyil, bizdən asılı olmayan səbəblər var. Bəzi detallarda razılaşmışıq. Bəzən klublarla anlaşa bilməmişik.

Biz peşəkar klubuq, əlimizdə olanların performansını saxlamaq istəyirik. Transfer məsələsi son vaxtlar dünya bazarında problemə çevrilib.

Bu il bizə daha çox futbolçu almaq lazım idi. Bir neçə oyunçu komandanı tərk edib. Qarşıdakı vaxtlarda düşündüyümüz transferləri həll edəcəyik".

Təcrübəli baş məşqçi hər iki qapıçının "Aşdod"la oyuna hazır olduğunu, lakin start heyətdə kimin meydana çıxması ilə bağlı qərar verilmədiyini söyləyib.

Qurbanov yeni transfer Marko Veşoviç haqqında bunları diqqətə çatdırıb: "Onun zədəsi var idi. 6 ay oynamayıb. Mayda "Legiya"da və millidə matçlar keçirib.

Ümumi durumu pis deyil. Yığmanın oyunlarından sonra fərdi məşq edib. Bu, bizə bir az narahatlıq verir. Sabah 18-likdə olacaq. Lazım gəlsə, ondan istifadə edə bilərik".

Mütəxəssis rəqibi bacardıqları qədər təhlil etdiklərini sözlərinə əlavə edib: "Rəqibdə dəyişikliklər çox olub. Bəlkə sabah bizim düşündüyümüzdən fərqli oynaya bilər.

Bu komandanın öz oyun üslubu var. Ondan əl çəkmir. Diqqətli müdafiə olunur və təhlükəli əks hücumlara çıxırlar. Sabah qalib gəlmək üçün futbolçulardan çox şey tələb olunacaq".

Qurbanov Ramil Şeydayevin durumunun pis olmadığını söyləyib: "Aqressiv futbolçu həmişə istənilən komandaya fayda verir.

Şeydayev sabahkı oyuna hazırdır. Onun potensialını açmağa çalışacağıq. Musa Qurbanlını isə əsas heyətdə görməyəcəyik (gülür).

İyulun 22-də Tofiq Bəhramov adına Respublika Stadionunda keçiriləcək "Qarabağ" - "Aşdod" oyunu saat 20:00-da başlayacaq. Cavab matçı isə 1 həftə sonra İsraildə olacaq.

Digər Xəbərlər
Xəbər Lenti
24 İyul 20:40 "Bir qədər pis oldum"
24 İyul 17:55 Vaxtdır, Cavid!