«Qarabağ»ın qapıçısı Şahruddin Məhəmmədəliyev klubun tibbi personalına müraciət edib.
Sportinfo.az-ıın məlumatına görə, «Səbail»lə qarşılaşmada (1:1) Amil Yunanovla toqquşma nəticəsində ağır zədə alan kiper tezliklə məşqlərə başlamasına icazə istəyib.
Başına 25, üzünə 7 tikiş atılmış «Şah» artıq özünü yaxşı hiss etdiyini və yaşıl sahə üçün darıxdığını söyləyib. Lakin həkimlər ona daha 7-10 gün gözləməyi məsləhət görüb.
Məhəmmədəliyevin diqqətinə çatdırılıb ki, hələ yaraların yeri sağalmayıb və nəzərdə tutulan müddətdən əvvəl məşqlərə başlaması təhlükəlidir.
