AFFA-nın təşkil etdiyi U-15 liqasında ciddi qalmaqal baş verib.
Sportinfo.az-ın məlumatına görə, olay «Qarabağ» - «Sabah» matçından sonra yaşanıb.
«Sərhədçi»də keçirilən qarşılaşma ev sahiblərinin 2:1 hesablı qələbəsiylə yekunlaşıb. Lakin hakimlərin idarəçiliyi komandaları razı salmayıb.
Referi final fitini səsləndirən kimi meydançada kütləvi dava-dalaş düşüb. Nəticədə 12 futbolçuya qırmızı vərəqə göstərilib. İnsident zamanı xəsarət alan oyunçuların bir neçəsi xəstəxanaya yerləşdirilib.