Almaniya II Bundesliqasında V turun oyunları keçirilib.
Sportinfo.az xəbər verir ki, Azərbaycan millisinin futbolçusu Dmitri Nazarovun formasını geyindiyi "Ersgebirge" səfərdə "Bohum"a uduzub - 0:2.
Yarımmüdafiəçi bu matçın iştirakçısı olmayıb. Onun adı qarşılaşmanın iştirak ərizəsinə də daxil edilməyib.
30 yaşlı futbolçu səhhətində yaranmış problemə görə matçı buraxmalı olub. Onun nə vaxt sıraya qayıdacağı açıqlanmayıb.
5 turdan sonra 7 xala malik "Ersgebirge" 18 kollektiv arasında 6-cı pillədə qərarlaşıb.
