.jpg)
I Divizionda vaxtından əvvəl çempion olan «Araz Naxçıvan» ilə AFFA arasında danışıqlar yekunlaşmaq üzrədir.
Federasiya tərəfindən Premyer Liqada iştirak üçün lisenziya alan Muxtar Respublika klubu üzərinə növbəti öhdəliyi götürüb.
Region təmsilçisi Naxçıvan şəhər stadionunun qazonunu dəyişəcəklərinə dair qarşı tərəfə söz verib.
Razılaşmaya görə, bu ayın sonundan etibarən meydançanın söküntüsünə başlanacaq və bu iş iyulun axırında başa çatdırılacaq.
«Araz Naxçıvan» rəhbərliyi AFFA-ya vəd edib ki, yeni salınacaq süni qazon Premyer Liqanın yeni mövsümünün startına 15 gün qalmış təhvil veriləcək.
Naxçıvan klubu bu məqsədlə Türkiyə şirkətlərinin biri ilə anlaşıb. Buna əsasən, qardaş ölkədən olan firma meydançanı dəyişdirəcək. 500 min manat qarşılığında.
SPORTİNFO.AZ
