Niderland yığmasının baş məşqçisi Lui van Qal xərçəng xəstəliyinə tutulub.
Sportinfo.az xəbər verir ki, məşhur çalışdırıcı xeyli əvvəl bu xəstəliyə tutulsa da, onu hamıdan gizli saxlayıb.
O, xəstəliklə necə mübarizə aparmasından danışıb:
“Yığmanın baş məşqçisi olduğum hər dönəmdə müalicə almaq üçün xəstəxanaya gecələr getməli olurdum. Və futbolçuların hələ də bundan xəbəri yox idi.
Onlar məni tam sağlam hesab edirdilər. Amma belə deyildi”.
Səhhətindəki problemdən danışan Van Qal xərçəngin kifayət qədər aqressiv formasına tutulduğunu bildirib və müalicə aldığı xəstəxananın əməkdaşlarına təşəkkür edib.
