Azərbaycan millisinin futzalçıları Qallo və Rövşən Hüseynli Gürcüstana qarşı Avropa çempionatının final mərhələsinin ilk oyununda iştirak etməyəcəklər.
Dünən hər iki oyunçudan götürülmüş koronavirus testinin cavabı pozitiv çıxıb.
PCR testi vermiş hər iki futzalçı Niderlandda məskunlaşdıqları oteldə karantinə alınıblar. Karantin yanvarın 27-də başa çatacaq.
Gürcüstana qarşı oynamaqdan məhrum olan 30 yaşlı qapıçı “feysbuk”da təsirli paylaşımla yadda qalıb. O, social şəbəkə hesabında komanda yoldaşlarına bu cür dəstək olub:
“Bu sözləri yazmaq istəməzdim. Yanınızda ola bilməsəm də, ürəyim sizinlədir. Uğurlar, Azərbaycan!”
Azərbaycan – Gürcüstan oyunu bu gün Bakı vaxtı ilə saat 17.30-da start götürəcək.
HƏBİB / SPORTİNFO.AZ
