Region Liqasında mübarizə aparan "Şahdağ"ın fəaliyyətini dayandırması ərəfəsində olduğunu məlumat vermişdik.
Dağılmaq səbəbi isə hər zaman olduğu kimi maliyyə problemidir.
Klub prezidenti Xanbaba Daşdı üzərinə götürdüyü öhdəlikləri yerinə yetirməkdə çətinlik çəkir.
Bu səbəbdən də futbolçular və məşqçilərə edilməli olan ödənişlər gecikir. Məsələ ilə bağlı son vəziyyəti öyrənmək üçün komandanın baş məşqçisi Qəzənfər Abbasovla əlaqə saxladıq.
Gənc mütəxəssisdən yaşananlara izah verməsini xahiş etdik. Amma geniş danışmaq istəməyən Qəzənfər müəllim qısaca bunları dedi:
"Bu barədə indi nəsə danışmaq istəmirəm. Müəyyən məsələlər var ki, onu gözəyirəm. Yaxın vaxtda hər şey bilinəcək".
Ötən yay yaranan və demək olar Sumqayıtın "Uğur" komandasının üzvlərindən formalaşan "Şahdağ" ilk dövrədən sonra Paytaxt-Şimal zonasının B qrupunda liderdi. Komanda arxada qalan turlarda 12 xal toplayıb.
XANOĞLAN / Sportinfo.az
