"Gənc məşqçilər özlərini göstərə bilmir".
Bu sözləri “Sportinfo TV"nin "Youtube" layihəsi - "Futbol söhbəti"nin növbəti buraxılışına qonaq olan məşqçi Ağasəlim Mircavadov deyib.
Tanınmış telejurnalist Elçin Cəfərovla ölkə futbolunun problemləri haqda danışan mütəxəssis futbolda iş yerlərinin azlığından şikayətlənib:
"Hamı işləmək istəyir. Yaşlı olan da, cavan olan da. Mən tərəfdarıyam, qoy, üstünlük cavanlara verilsin.
Azərbaycanda kifayət qədər məşqçi var ki, müxtəlif kateqoriyalar alıb. Onlar harada işləməlidir, neyləməlidir?
Gərək iş yeri, klub olsun ki, özlərini göstərə bilsinlər. Əsas çatışmazlıqlardan biri budur. Tezliklə bu problem həllini tapmalıdır.
Bilirsiz ki, mən AFFA Məşqçilər Komitəsinin üzvüyəm. Komitə olaraq dəfələrlə rəhbərliyə müəyyən təkliflər vermişik, komanda sayının artırılmasının yollarını göstərmişik».
