"Komandamın qələbəsi daha vacibdir, nəinki qol vurmağım"

9 Dekabr 2019 14:47 Premyerliqa 184
"Komandamın qələbəsi daha vacibdir, nəinki qol vurmağım"

"Zirə" Premyer Liqada qış fasiləsinə böyükhesablı qələbə ilə yollandı. Qəsəbə klubunun "Səbail"i 4:1 hesabı ilə məğlub etdiyi qarşılaşmada hesabı açandan sonra dubl edərək cari mövsüm vurduğu qolların sayını 4-ə çatdıran Nicat Süleymanov görüşlə bağlı Sportinfo.az saytına açıqlama verib.

Fərdi uğurları çox vacib saymayan 21 yaşlı yarımmüdafiəçi komandasının yaxşı nəticə qazanmasının əsas olduğunu deyib.

"Səbail"lə oyuna çox yaxşı hazırlaşmışdıq. Fasiləqabağı mütləq qələbə qazanmaq istəyirdik. 13-cü turda səfərdə "Qəbələ"yə böyük hesabla uduzduğumuz (0:3) üçün bu görüşdən mütləq 3 xalla ayrılmağı qarşımıza məqsəd qoymuşduq. Sevinirəm ki, bunun öhdəsindən gələ bildik. Vurduğum iki qola gəlincə, təbii, çox şadam, ancaq əas olan "Zirə"nin uğur qazanmasıdır. Buna daha çox sevinirəm".

Süleymanov Premyer Liqada bombardirlər yarışında "Qarabağ"lılar - İsmayıl İbrahimli, Maqaye Geye, Mahir Emreli, həmçinin komanda yoldaşı Xulio Sezar Rodrigeslə birlikdə 3-7-ci yerləri bölüşdürür. Ən sərrast futbolçular - Lorenzo Frutos ("Keşlə"), Peyman Babayi ("Sumqayıt") və Stiven Monrozdan ("Neftçi") 2 top geri qalır.

Xəbər Lenti
20 Yanvar 19:41 Dünyada yalnız Ronaldo
20 Yanvar 14:54 1001 gündür uduzmur
20 Yanvar 14:24 Bir aylıq baş məşqçi
20 Yanvar 00:56 Nişanlandılar - FOTO
20 Yanvar 00:00 İbrahimoviç daha bir...
19 Yanvar 22:20 "Qarabağ"da asudə gün
19 Yanvar 20:16 Az məbləğə atılan imza