.jpg)
"CBC Sport" İspaniya La Liqasında XXXV turun mayın 8-də keçiriləcək "Barselona" - "Atletiko" oyununun telekanalın efirində yayımlanmaması ilə bağlı açıqlama yayıb.
Sportinfo.az xəbər verir ki, telekanal rəsmi feysbuk səhifəsində həmin matçın Azərbaycan Premyer Liqasında XXVI turun "Keşlə" - "Sumqayıt" görüşü ilə üs-üstə düşdüyünü yazıb.
Bildirilib ki, tamaşaçıların çoxsaylı istəkləri nəzərə alınaraq, La Liqa qarşılaşması cbcsport.tv saytı vasitəsilə canlı təqdim olunacaq:
"Telekanal yarandığı gündən Azərbaycan çempionatını prioritet saydığından, "Keşlə" - "Sumqayıt" oyunu telekanal vasitəsilə canlı yayımlanacaq".
"Keşlə" - "Sumqayıt" oyunu saat 18:00-da, "Barselona" - "Atletiko" matçı iə saat 18:15-də başlayacaq.
