"Şəfa"da növbəti ayrılıq yaşanıb.
Birinci Liqanın son çempionu bu dəfə Emin Zamanovla yolları ayırıb.
28 yaşlı yarımmüdafiəçi son iki mövsümü Bakı klubunda olub.
Paytaxt təmsilçisinin həm İkinci Liqada, həm də Birinci Liqada çempion olmasında Zamanovun böyük xidmətləri var idi.
Amma təcrübəli futbolçu Premyer Liqa planlarına daxil edilməyib.
Zamanov "İnter"in (indiki "Şamaxı") yetirməsidir. Daha əvvəl "Turan Tovuz", "Kəpəz" , "Neftçi", "Səbail" və "Şamaxı"da forma geyinib.
U-17 (3 oyun) və U-19 (15 görüş) millilərində çıxış edib.
XANOĞLAN / SPORTİNFO.AZ
