Meksika millisinin 35 yaşlı hücumçusu Raul Ximenes DÇ-2026-da Cənubi Afrika Respublikasına qarşı açılış matçında qol vurdu

Bu, onun dördüncü Dünya Kubokudur. Ailəsi onun mükəmməl qolu vurduğunu və ardınca sevinc göz yaşlarını axıtdığını “Asteca” stadionunun tribunasından izləyib.

Sportinfo.az oxucuları Raul Ximenesin nişanlısı Daniela Basso ilə tanış edir.

Daniela Basso 23 iyun 1989-cu ildə Mexiko şəhərində anadan olub. Onun 37 yaşı var və Ximenesdən iki yaş böyükdür.

Daniela aktrisadır. O, Latın Amerikasında və Cənubi Amerikada çox sevilən seriallarda ixtisaslaşıb. Məsələn, “Sadəcə Mariya” serialında rol alıb. Xeyr, analarımızın və nənələrimizin çox sevdiyi telenovella deyil, 2015-ci ildə çəkilmiş müasir adaptasiyadır.

O, təxminən on ildir ki, Ximeneslə birlikdə Avropada yaşamasına baxmayaraq, Meksikada çəkiliş meydançalarında işləməyə davam edir.

Daniela və Raul 2017-ci ilin iyul ayından bəri birlikdədirlər və ortaq dostlarının vasitəsilə tanış olublar. Həmin vaxtlar o, “Benfika”da oynayırdı.

2018-ci ildə cütlük İngiltərəyə köçdü: hücumçu əvvəlcə “Vulverhempton”a icarəyə verildi və bir il sonra tam müqavilə imzaladı.

21 iyul 2020-ci ildə Raul və Daniela valideyn oldular: qızlarının adını Arya qoydular. 2022-ci ilin may ayında Ximenes ailəsi yenidən böyüdü: Ander adlı oğlan dünyaya gəldi.

Bir neçə il əvvəl Daniela bir ənənəyə başladı: Ximenesin hər vacib matçında uşaqlarını qucaqlayaraq şəkil çəkdirir. 2026-cı il Dünya Kubokunun açılış matçı da istisna deyildi.

Yeri gəlmişkən, cütlük hələ də rəsmi olaraq evlənməyib. Ximenes Danielaya 2025-ci ilin əvvəlində evlilik təklifi edib. “Bu gün həyatımızı birlikdə keçirəcəyimizə söz veririk. İsveçrə Alpları bizim şahidlərimizdir. O, “Bəli!” dedi”, – deyə hücumçu sosial media hesabında yazıb.

Bir sözlə, Raul Dünya Kubokunda ilk qolunu kürəkən və iki uşaq atası kimi vurdu!