Premyer Liqanın 23-cü turunda “Neftçi” doğma meydanda “Turan Tovuz”u qəbul edib.
“Forza Neftçi” hakimin start fitindən əvvəl maraqlı addımla diqqət çəkib.
Belə ki, parça üzərində hazırlanmış xareoqrafiyada atmacalı mesaj təsvir olunub.
Hakimin qol epizodunu dəqiqləşdirmək üçün yaxınlaşdığı monitorda AFFA rəhbərliyinin ədalət təmsilçisinin boynuna ip bağlaması nümayiş etdirilib.
Sətiraltı göndərməyə “Sizə nə var?” başlığı əlavə olunub.
“Şamaxı” ilə qarşılaşmanın son saniyələrində “ağ-qaralar”ın qapısına təyin olunan penalti azarkeşləri qəzəbləndirib.
HƏBİB / SPORTİNFO.AZ
