“Neftçi” qış fasiləsindən sonra meydana sıx qrafik altında çıxacaq.
Fevralın 1-də ölkə kuboku çərçivəsində “Sabah”ı qəbul edəcək “ağ-qaralar” fevralın 7-də Azərbaycan Premyer Liqasının 15-ci turunda “Qarabağ”ı qonaq edəcək.
Fevralın 12-də isə ölkə kubokunda “Sabah”la cavab qarşılaşması var.
İndiki vəziyyətdə klub rəhbərliyini və məşqçilər heyətini narahat edən əsas məsələ “Bakcell Arena”nın ev oyunlarına hazır olmasıdır.
Yanvarda havanın yağışlı və şaxtalı keçdiyini nəzərə alsaq, rəsmilərin qazonun qeydinə qalması anlaşılandır. Xüsusən “Qarabağ”la turun və çempionatın mərkəzi qarşılması üçün. Axı fevralın 7-də hər kəsin gözü “Bakcell Arena”da olacaq.
Bunu nəzərə alan stadionun işçiləri meydanı donvurmadan qorumaq üçün onu qara örtüklə qapayıb. Ki, ot yararsız vəziyyətə düşməsin.
Sportinfo.az “Bakcell Arena”nın bugünkü görüntülərini təqdim edir.
HƏBİB