"Neftçi"də qalmadı, Super Liqa klubuna lazım oldu

26 Yanvar 09:20 Neftçi 2 079
"Neftçi"də qalmadı, Super Liqa klubuna lazım oldu

“Neftçi” bir neçə gün əvvəl yay transferlərindən olan Xorxe Korrea ilə də yollarını ayırdı.

Sportinfo.az xəbər verir ki, argentinalı yarımmüdafiəçi “ağ-qaralar”la yollarını ayırsa da, klubsuz günləri çox çəkməyib.

Belə ki, futbolçu artıq özünə yeni komanda tapıb. O, Yunanıstan Superliqasında yarışan “Volos”da oynayacaq.

29 yaşlı cənubi amerikalı ötən ilin sentyabrında "Neftçi" ilə 2 il müddətinə anlaşmaya imza atmışdı. Bakılılar onunla müqaviləni qarşılıqlı razılıq əsasında ləğv edib.

“Neftçi” rəhbərliyinə müraciət ünvanlayan legioner ailə problemlərini əsas gətirib. O, Azərbaycanda çıxışını davam etdirmək istəmədiyini, anlaşmanı qarşılıqlı razılaşma əsasında pozmağa hazırlaşdığını açıqlayıb.

Xorxe Korrea Argentinanın “Veles Sarsfild” (2010 - 2018), “Defensores de Belqrano” (2012 - 2013) və Portuqaliyanın “Maritimu” (2018 - 2021) klublarında çıxış edib.

O, 2013-cü ildə “Veles Sarsfild”lə Argentina Super Kubokunu qazanıb.

Digər Xəbərlər
Xəbər Lenti