.jpg)
Antalyada təlim-məşq toplanışında olan “Neftçi” yoxlama oyununa çıxıb.
Sportinfo.az xəbər verir ki, “ağ-qaralar” Macarıstandan “Kişvarda” ilə qarşılaşıb.
Matç 2:2 hesablı bərabərliklə başa çatıb. Matçda ilk 2 qolu "Kişvarda" vurub.
42-ci dəqiqədə Emin Mahmudov, 71-ci dəqiqədə isə Ramin Nəsirli fərqlənərək, "ağ-qaralar"ı məğlubiyyətdən xilas edib.
“Neftçi” Türkiyədə daha iki yoxlama görüşü keçirməyi planlaşdırır. “Ağ-qaralar”ın ikinci rəqibi yanvarın 19-da Polşanın “Visla” (Plotsk) klubu olacaq. Digər rəqib isə hələ məlum deyil.
