.jpg)
“Neftçi” çox zəifləyib.
Komanda heç oyun göstərmir. Bu gün sərgilədiyi oyun klubun adına layiq deyil”.
Bu sözləri Sportinfo.az-a açıqlamasında Azərbaycan millisinin sabiq hücumçusu Zaur Ramazanov deyib.
“Ağ-qaralar”ın cari mövsümdəki çıxışı haqda danışan B kateqroiyalı mütəxəssis işin bu yerə gəlib çatmasına görə günahı Laurentsiu Regekampfda görür.
Ramazanovun fikrincə, bakılılar ölkə kubokunu qazana bilməsə, “Neftçi”də ciddi dəyişikliklər olmalıdır:
“Baxırsan, heyət yaxşıdır, komandanın başında legioner məşqçi var. Amma nəsə alınmır.
Yəqin məşqçi işləyə bilmir. Komandanın içində deyilik deyə, dəqiq fikir demək olmur.
Kubok son şansdır. Titula sahib ola bilməsələr, dəyişikliklər olmalıdır. İnanmıram ki, baş məşqçini saxlasınlar.
Rəhbərlik qalacaq, yoxsa gedəcək? Onu deyə bilmərəm. Guya mənim deməyimlə rəhbərliyi dəyişəcəklər?
Komandaya məşqçi cavabdehdir. Hədəfin öhdəsindən gələ bilməsə, dəyişiklik olmalıdır”.
HƏBİB
