Sportinfo.az xəbər verir ki, Azərbaycan millisinin sabiq müdafiəçisi, hazırda Rusiyada məşqçi kimi çalışan Deni Qaysumov sportal.az-a müsahibə verib.
- Azərbaycan millisi Lixtenşteyn və Andorra ilə görüşdə qələbə qazanmağı bacardı. Bu görüşdə millimizin çıxışını necə dəyərləndirirsən?
- Afərin! Qrupda qalib gəlmələri çox yaxşı haldır. Əsas odur ki, ortada müsbət nəticə var. Bu, həqiqətən sevindiricidir!
- Səncə, milli komandamız gələcəyə ümid verir? Yoxsa, hansı planda artırmaq lazımdır? Səncə, gələcəkdə daha yaxşı nəticələr üçün heyətə malikik?
- Potensial həmişə var. Xüsusilə də indi. Təbii ki, həm ayrı-ayrı oyunçular, həm də bütövlükdə komanda bir çox cəhətdən və keyfiyyət baxımından artırmalıdır. Əlbəttə, oyunçularımızın özləri də öz imkanlarına inanmağa başlamalıdırlar.
- Milli komanda üçün bu qrupda birinci yeri tutmağı uğur hesab etmək olar? Hər halda, millimiz daha yaxşı nəticə qazansaydı, D divizionunu qalib gəlsəydi, AVRO-2028-də pley-off oynamaq imkanı qazanacaqdı. Amma bunu Malta qazandı..
- Bəli, qrupda birinci olmağı uğur hesab edirəm. Baxmayaraq ki, yekunda pley-off mərhələsinə vəsiqə qazana bilmədik.
- Millidə debüt edən Eşqin Əhmədov, Nihad Əhmədzadə, Ağadadaş Salyanski, Murad Məmmədov haqda hansı fikirdəsən? Xəyal Əliyev də əvvəllər debüt edib millidə,gəncir. Ümumiyyətlə, gənclər haqda hansı fikirdəsən?
-Fikrimcə, gənc oyunçularımızı komandaya inteqrasiya etməli, onlara mütəmadi olaraq oyun vaxtı verməli, yəni ardıcıl bir neçə matçda çıxış etmələrinə şərait yaratmalı və milli komandanın təlim-məşq toplanışları zamanı əsas heyətlə birlikdə məşq etmələrini təmin etməliyik. Ümid edirəm ki, gənc oyunçularımız gələcəkdə komandanın əsas heyətinin vacib üzvlərinə çevriləcəklər.
- Necə düşünürsən, milli sənin oynadığın vaxtda daha güclü idi, yoxsa indi yaxşıdır?
- Hər bir milli komanda özünəməxsus şəkildə maraqlı və müəyyən cəhətlərdən güclüdür... Məhz buna görə də hamımız eyni hissləri bölüşür və öz milli komandamıza azarkeşlik edirik!
