Türkiyə millisinin və Fənərbaxça"nın sabiq hücumçusu Tuncay Şanlının "CBC Sport"da yayımlanan "Türkiyədən futbol" verilişinə verdiyi açıqlamalar Türkiyə mətbuatında gündəm yaradıb.
Sportinfo.az xəbər verir ki, veteran futbolçu Pərviz Musayev və Elçin Cəfərovun təqdimatında yayımlanan verilişə telefonla qoşulub.
O, bir vaxtlar futbolçu kimi məşhurlaşdığı "Fənərbaxça"ya baş məşqçi kimi qayıtmaq ehtimalından danışarkən bunları deyib: "Fənərbaxça" mənim ailəmdir. Orada sevə-sevə çalışaram. Bu günə kimi nə prezidentlə, nə də yönəticilərlə bu mövzuda görüşüm olmayıb. Mən buna hazıram. Dəvət olsa, sevə-sevə qəbul edərəm".