Kutaisi "Torpedo"su "Zirə"ni tam təhlil edib.
Sportinfo.az xəbər verir ki, bu barədə komandanın futbolçusu Komnen Andriç mətbuat konfransında deyib.
Serbiyalı oyunçu Sumqayıtda "Zirə"yə qarşı keçirəcəkləri Konfrans Liqasının I təsnifat mərhələsinin ilk oyunu haqqında fikirlərini bölüşüb:
"Zirə"ni tam təhlil etmişik. Azərbaycan çempionatını izləyirəm.
İlk saniyələrdən topa nəzarət etməliyik. Yeni transferlər ediblər. Onları sürpriz komanda sayıram.
Bu matça hazırıq. Öz sözümüzü deməyə çalışacağıq".
"Zirə" - "Torpedo" oyunu iyulun 8-də, saat 20:00-da Mehdi Hüsenyzadə adına Sumqayıt şəhər stadionunda keçiriləcək. Cavab qarşılaşması iyulun 16-da baş tutacaq.
