Belçika dünya çempionatının 1/8 final mərhələsində ABŞ yığmasını 4:1 hesabı ilə məğlub edərək növbəti mərhələyə vəsiqə qazanıb.
Sportinfo.az xəbər verir ki, Belçika komandasının qollarını Şarl de Ketelare (9 və 33-cü dəqiqələr), Hans Vanaken (57) və Romelu Lukaku (90+3) vurublar.
ABŞ millisinin yeganə qoluna isə Malik Tillman imza atıb.
Qarşılaşmaya ABŞ yığmasının start heyətində çıxan Folarin Baloqun əvvəlki oyunda qırmızı vərəqə aldığı üçün diskvalifikasiya olunmalı idi.
Lakin FİFA-nın İntizam Komitəsi onun cəzasını müvəqqəti dayandırdığı üçün futbolçu Belçikaya qarşı matçda iştirak edib.
Belçika millisi 1/4 finalda İspaniya yığması ilə üz-üzə gələcək. Qarşılaşma iyulun 10-da keçiriləcək.
Belçika yığması tarixində dördüncü dəfə dünya çempionatının 1/4 final mərhələsinə yüksəlir. Komanda 1986-cı ildə dördüncü yeri tutub,
2018-ci ildə isə bürünc medal qazanıb. ABŞ millisi isə 2002-ci ildən sonra ilk dəfə mundialın 1/4 finalına yüksəlmək şansını əldən verib.
.jpg)
