Misli Premyer Liqasının 2-ci turunun “Qarabağ”la oyunu təxirə salınan “Kəpəz” yoxlama oyunu keçirəcək.
Sportinfo.az xəbər verir ki, Azər Məmmədovun rəhbərlik etdiyi kollektiv I Liqada mübarizə aparan “Gəncəbasar”la üz-üzə gələcək.
Bu barədə klubun mətbuat xidməti məlumat yayıb.
İki Gəncə klubunun qarşılaşması “Kəpəz”in məşq mərkəzində baş tutacaq. Avqustun 23-də keçiriləcək matç saat 17:30-da start götürəcək.
“Kəpəz” Premyer Liqanın ilk turunda səfərdə “Sabah”a 0:2 hesabı ilə məğlub olub.
.jpg)
