“Kəpəz“in yeni rəhbərinin kimlyi bilinib. Adil Vəliyevi İdarə Heyətinin sədri postunda Anar Abdullayev əvəzləyib.
Təyinatın yaxın günlərdə rəsmən açıqlanması nəzərdə tutulub.
Məşhur “Dəyirman” qrupunun keçmiş üzvü olan A.Abdullayev 2023-cü ildən “AzerGold” QSC-də müşavir kimi fəaliyyət göstərir.
O, rup dağıldıqdan sonra musiqi karyerasını davam etdirməyib. Azərbaycan Dövlət Neft və Sənaye Universitetində “Neft-qaz mühəndisi”, Rusiya Dövlət Neft-Qaz Universitetində isə MBA üzrə magistr təhsili alıb.
2011-2023-cü illərdə “SOCAR - Integrated Drilling” trestində müxtəlif rəhbər və müşavir vəzifələrində çalışıb.
“Dəyirman” qrupu 1999–2010-cu illərdə fəaliyyət göstərib və “Ya Qarabağ, ya ölüm” mahnısı ilə uğur qazanıb.
Adil Vəliyev 2025-ci ilin əvvəlində “Kəpəz“i himayəsinə götürüb. Həmin ilin iyulunda İdarə Heyətinin sədri postuna əyləşib.
Klubdan gedişi maliyyə rıçaqlarının zəifləməsindən irəli gəlir. Bu da təsadüfi deyil. Çünki o, Adnan Əhmədzadənin yaxın kadrı olaraq tanınır.
Adını çəkdiyimiz şəxs 2025-ci ilin sentyabrında həbs olunduqdan sonra Vəliyevin maliyyə sferasında vəziyyəti pisləşib.
SPORTİNFO.AZ
.jpg)
