“Zirə”nin yarımmüdafiəçisi Rövlan Muradov «Kəpəz»in təklifini geri çevirib.
O, mövsümün ikinci hissəsini də «qartallar»ın düşərgəsində keçirəcək.
Baxmayaraq ki, Gəncə təmsilçisinin baş məşqçisi Azər Bağırov şəxsən onunla əlaqə saxlayaraq, 5 aylıq icarəyə götürmək istədiklərini bildirib.
Çalışdırıcı yarımmüdafiəçiyə söz verib ki, təklifi qəbul edərsə, daim əsas heyətdə şans qazanacaq.
«Qəbələ»nin yetirməsi bu mövsümdən «Zirə»nin şərəfini qoruyur. O, ötən ilin yayında «qartallar»la 2 illik müqavilə imzalayıb.
Bura «Sumqayıt»dan gəlmiş 27 yaşlı orta sahə oyunçusu hələlik əsas heyətdə möhkəmlənə bilməyib.
Rəşad Sadıqovun etimadını qazanmağa çətinlik çəkən Muradov vaxtının çoxunu ehtiyat skamyada keçirir.
SPORTİNFO.AZ
.jpg)
