Mövsümə ən pis başlayan komanda şübhəsiz ki, "Kəpəz"dir.
Ötən mövsüm olduğu kimi Qərb təmsilçisi məğlubiyyətləri sıralayır.
"Sumqayıt" və "Karvan-Yevlax"a məğlub olmaq klub rəhbərliyini ciddi düşündürür.
Xəbər verdiyimiz kimi, rəsmilər baş məşqçiyə qarşıdakı matçı son şans kimi verib.
Bu qərarın bəzi detallarını əldə etmişik.
Əslində Adil müəllimin ən azı 5 tur nəticədən asılı olmayaraq işin başında qalması ilkin planda olub.
Amma nəticə ilə paralel olaraq göstərilən oyun da gələcəyə işıq vermir.
Belə də klub başbilənləri vaxt itirmək istəmir.
Qarşıdan milli komandalara görə fasilə gələcək.
Əgər dəyişiklik olacaqsa, məhz bu fasilə öncəsi ediləcək.
Ki, yeni gələcək baş məşqçinin öz oyun sistemini otuzdurmağa, istədiyi kollektivi formalaşdırmağa zamanı olsun.
XANOĞLAN / SPORTİNFO.AZ
