İtaliya A Seriyasının 10-cu turunda "Cenoa" ilə matçda (2:1) komandasnın 90+6-cı dəqiqədə qələbə qolunu vuran Kriştiano Ronaldo açıqlama verib.
Sportinfo.az xəbər verir ki, portuqaliyalı hücumçu A Seriyasında "İnter"lə rəqabət aparmalarından danışıb. "Yuventus" 26 xalla yarış cədvəlinin lideridir. "İnter" 25 xalla 2-cidir:
"Biz "Yuventus"uq, sona qədər savaşmalıyıq. Üç xal üçün xoşbəxtik. Çoxlu şaslarımızı dəyərləndirə bilmədik. Oyundan öncə "İnter"in turnir cədvəlində lider olması bizi daha çox hirsləndirdi. Buna görə də yalnız qələbəni hədəfləyirdik".