İtaliyanın “İnter” klubu 2018/2019 mövsümünün maliyyə hesabatını açıqlayıb.
Sportinfo.az xəbər verir ki, “İnter”in gəliri rekord həddə olub. Milan nəhənginin qazancı əvvəlki mövsümə nisbətən 20 faiz artaraq 417 milyon avro təşkil edib.
Klubun sponsor gəlirləri də 9 faiz artıb. Həmin mövsümdə sponsorlardan əldə edilən qazanc 138 milyon avro olub. 2018/2019 mövsümündə klubun itkisi 48,8 milyon avro təşkil edib ki, bu da transfer əməliyyatlarına görədir.