“Yuventus”un yarımmüdafiəçisi Kənan Yıldız yaxın vaxtlarda klubla yeni müqavilə imzalaya bilər.
Sportinfo.az xarici KİV-ə istinadən xəbər verir ki, 20 yaşlı futbolçu ilə danışıqlar bir müddətdir davam edir.
Turin klubunun rəhbərliyi müqaviləyə sərbəstqalma qiyməti maddəsinin salınmasına qarşı çıxır.
Hesab edirlər ki, dəqiq transfer məbləğinin göstərilməsi digər klubların, xüsusilə də, maliyyə üstünlüyünə sahib İngiltərə Premyer Liqası təmsilçilərinin diqqətini daha da artıracaq.
Türk futbolçu cari mövsümdə İqor Tudorun komandasında 4 oyunda 2 qol və 4 məhsuldar ötürmə ilə yadda qalıb.
