“Milan” və “İnter” “San Siro” stadionunun alınması ilə bağlı razılığa gəlib.
Sportinfo.az xəbər verir ki, bu barədə Milan meri Cuzeppe Sala açıqlama verib.
O, klublarla razılığın əldə olunduğunu bildirib:
“Arenanı satmaq üçün şəhər şurasına gedəcəyik. Yeni stadion 2031-ci ilədək hazır olmalıdır. Çünki UEFA bizə deyir ki, “San Siro” qorunub saxlanılsa, Milan şəhəri AVRO-2032-dən kənarda qalacaq”.
2032-ci ildəki Avropa çempionatı İtaliya və Türkiyədə keçiriləcək.
